منتدى ستار إيجى - staregy.net

منتدى ستار إيجى - staregy.net


 
الرئيسيةالبوابةس .و .جالتسجيلبحـثالأعضاءالمجموعاتدخول
رجاء الضغط ع هذا الاعلان يوميا


شاطر | 
 

 العنايه باليدين والأقدام

اذهب الى الأسفل 
كاتب الموضوعرسالة
عشقي
عضو جديد
عضو جديد
avatar

انثى
القوس
الثور
المشاركات : 4
العمر : 32
التسجيل يوم : 22/11/2011

مُساهمةموضوع: العنايه باليدين والأقدام    الثلاثاء نوفمبر 22, 2011 11:10 am

ســـلآم عليكم ..


حبيت اتكلم اليوم عن جمال اليدين والرجول " وانتو بكرامه "
وصحة الأظافر



بالبدايه بتكلم عن شي مستحيل استغني عنه ..
( الفازلين )






ما اختلف معكم انه دبق ويتلصق .. لكنه يستاهل نتحمله خصوصا بعد الشاور لما تكون بشرتك ناقعه ولينه بيكون تأثيره بطل
لذلك الي تبي تكمل الموضوع تتأكد انها بتتحمل سيد فازلين




الحين نروح لليدين





اليدين نقدر نقول مظهرها يكمل أنوثتك
ومتى ماكانت يدينك ناشفه او متقشفه او اظافرك متكسره بيكون شكلك غلط للعنايه باليدين ..
- أذا كنتي ربه بيت ( بعد التنظيف او شغل المطبخ ) تأكدي من تنظيف يدينك بصابون اليدين المعقم او الليمون " يعطي نظافه وانتعاش "
-
استخدمي لوشن بعد غسل اليدين ( حتى بعد الوضوء ) خصوصا انو الشتا جاي
والكثير راح يغسل يدينه او يتوضا بماء دافي والماء الدافي مع الهواء البارد
نتايجه مصيبه

- نقعي يدينك اسبوعيا او كل اسبوعين بماء دافي مع فنجان ماء ورد
- اثناء نقعك ليدينك لاتنسين التدليك لأنه جدا ضروري ومهم لليدين , ينعشهم , ويساعد الحركه الدمويه , ويعطيهم نظاره
- بعد التدليك ستخدمي مقشر



( افضل هذا النوع )





بعد ماتخلصين استخدمي ( فازلين او زيت لوز ) والبسي قلفس لمده نصف ساعه
بعدها استخدمي صابون قطع افضل دوف لأن فيه نسبه ترطيب ( بعض صوابين القطع تكون ناشفه مره )
وتمتعي بالنعومه




بالنسبه لأظافر اليدين
بكل صراحه مهما كانت يدينك جميله وناعمه اذا اظافرك مكسره او مو منظفه بيكون شكلها جدا مو مقبول
طيب كيف ترتبي اظافرك بدون ماتاخذين مشوار للصالون
وتاخذ منك 60 الى 100 ريال
نبدا خطوه خطوه
بدايه راح تقومين بتنظيف اظافرك
بعدها نشوف كيف بتبرديهم
كثير لما يشوفوا اظافري يقولوا : اظافرك جميله


اوك اظافري جميله لكن في خدعه ولا هم اكيد فيهم كم لفه مالها داعي
طبعا وش الخدعه ( ياويلكم لو تعرفونها وقلتو قديمه )






بتلاحظون في الصوره فيه سهمين
هنا نبرد الأظفر من جوا لـ برا عشان نصغر حجمه .. اوقات يكون كل ما ازداد طوله كل ماعرض من فوق
هذا بالنسبه لأعاده رسمهم .. بعدين بتبردين اظافرك بأتجاه واحد
غلط غلط غلط تبردينهم " رايح جاي "
على كذا انتي قاعده تحرقين الأظفر باقي يولع
الحين خلصنا البرد شوفي كيف صارو جميلات <الحين نروح للجلد حول الأظافر اوقات في اشياء ناشفه ومزعجه
استخدمي هذا الشيء لأزالتهم






" ضروري يكون عندك / لاغنى عنه "
بعدها استخدمي زيت للأظافر
في زيوت لتغذيه الأظافر تنباع في علب مثل المناكير






ولو ماعندك ممكن تسوي لك من اشياء اساسا متوفره في البيت ( زيت زيتون + زيت لوز )
خليهم في علبه واذا عندك مناكير مخلص نظفي الفرشه بأسيتون ووغسليها كويس ونظفها بعد كل استخدام عشان مايتكدس عليها الغبار



نصائح مهمه :-
* تجنبي المناكير والأسيتون الرخيص لأنه السبب الرئيسي بتكسر الأظافر
* لاتخلي المناكير ع اظافرك اكثر من 4 ايام لأنها تحتاج لأوكسجين مثلها مثلك
* في مبرد او مدري شسمو بالضبط الي لتلميع الأظافر وهذي صورته






هو
صحيح يعطي لمعه ويخلي الأظافر حلوه لكن ما انصح فيه لأنه مع كثر الأستخدام
يخليها رقيقه وتتكسر بسرعه واذا ملزمه تستخدمينه ياليت مره في الشهر

* في الشتاء استخدمي القلفس الصوفي حتى تدفي يدينك ويوصل الدم لها
* بالنسبه للأسيتون في الحين الي يكون في نسبه زيوت انصح فيه لأنه يعطي رطوبه
ومايجفف الأظافر



ان شالله اني مانسيت حاجه









الحين نروح للأقدام " وانتو بكرامه "




[size=12]



انا عندي هوس عجيب فيهم

[center]لذلك بشاركم نسبه بسيطه من هالهوس
العنايه فيهم :-
نقعي رجولك بماء دافي وملح ودلكيهم برواق
لمده لاتقل عن نص ساعه ولو اكثر بيكون ممتاز









بنفس الوقت نظفي اظافرك ( وقصيهم )

لأن بصراحه اظافر الرجول مهما كانت مرتبه شكلها وهي طويل مره بشع
بالنسبه لبردهم وتنظيف الجلد الميت بحدودهم اتبعي نفس طريقه اظافر اليدين
بعدها سوي لهم صنفره بنفس المقشر الأنف ذكره
ولما تخلصين ياجميله نشفيهم بفوطه خاصه ..
وبنحتاج الحين لترطيبهم بعد الحمام الدافي
لذلك بنتجه للخطوه الثانيه ..
طبعا عندهم فقط اعترف بالخلطات لأنو شفت نتيجه
الخلطه استخدمها اسبوعيا واوقات مرتين اسبوعيا





لذا شمري عن يديك ياعزيزتي وخوذي

علبه صغيره فازلين
نفس كميه الفازلين اضيفي جليسوليد









ليمون ملعقتين







< عشان الي مايعرفون وشو الليمون < منجلده اليوم لامحاله





صابونه ..







( مايفرق نوع الصابون ) المهم ابشريها قد ملعقتين او ثلاث واضيفيها للخلطه
حركيهم وخليهم بعلبه
استخدميهم اسبوعيا ( تجنبي تحطين بين اصابعك لانو بيزعجك )
والبسي عليهم اكياس ( نظيــــــــفه ) وبعدين الشراب ..
خليهم نص الى ساعه
بعدين اغسليهم اثناء غسلهم استخدمي الحجر الطبيعي
انصح بهالنوع









تجنبي الفرك بقوه لانه يسبب اسمرار للبشره
افركي بحركه دائريه على المناطق الداكنه , بعد ماتنشفيهم علطول
لوشن مرطب + شراب






نصائح مهمه :-
* ياويلك تمشين حافيه < تمونين
لا
بجد الحين اغلب البيوت ارضياتها سيراميك او رخام والجو بارد يعني لما
تمشين حافيه كأنك تدورين التشققات غير انه مهما كانت الأرضيه نظيفه بيكون
فيها غبار وبيتجمع كله على رجولك

* الشراب ثم الشراب


/ يدفي الأقدام .. يحافظ على نظافتهم ..









يضيف لك انوثه خاصه اذا كانت الوانه زاهيه وجميله
* اسبوعيا قلمي اظافر رجولك ونظفيهم < ادري قلتها قبل بس لأنها معقدتني هالنقطه بشكل عنيف
*
عند خروجك للسوق او مكان متأكده انك بتمشين فيه فتره طويله < فجأه
قررتي تتكلمين فصحى .. المهم البسي شوز رياضي " انصح بأديداس " لاتقولين
شكله يخرب البرستيج مو نافعك الكعب او الفلات لا صارت رجولك كلها رواسب
وغبار وشهبا ولا علمت اصابعك

والحال بهالضروف مايعلم به الا الله






كذا يكون الموضوع اكتمل .. و ان شالله يكون نال رضاكم او اخذتو منه لو نص فائده




انطلــــقـــوا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sara
مشـرفة قسم الحوار والنقاش البناء
 مشـرفة قسم  الحوار والنقاش البناء
avatar

انثى
الجدي
الثعبان
المشاركات : 4857
العمر : 28
التسجيل يوم : 23/01/2010

مُساهمةموضوع: رد: العنايه باليدين والأقدام    الخميس نوفمبر 24, 2011 12:16 pm

موضوع رآئع

عوآفي عَ الطرح

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
العنايه باليدين والأقدام
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ستار إيجى - staregy.net :: المنتدى العام :: الأســرة والطــفل :: جــمــ؛ــالك سيـــ؛ــدتـــي-
انتقل الى: