{ كلآم البنآت / وكلآم الأولآد ..}

البنات

بداية الحوار

الأولى : الله ، قصيتي شعرك !! والله طالع يهبّل !

الثانية: شايفة كذا ؟ بس حسيت يوم شفت
نفسي في المراية انه منتفش!

الأولى : لا والله .. الا طالع يجنن ، وانا ودي بنفس التسريحة بس احس ان وجهي مليان شوي ولا تمشي معي هالتسريحة ، واشوف انه ما يمشي مع هالخشه الا هالتسريحة اللي تشوفيني دايم فيها .

الثانية : من جدك انتي !! انا شايفه ان وجهك وش ملحه ، وتمشي معه كل التسريحات وتطلع احلى بعد ، موب زيي .. ما أقدر اختار الا تسريحات معينة تخلي الناس ما ينتبهون لرقبتي اللي كنها رقبة زرافة .

الأولى : وش هالكلاااام .. والله رقبتك حلوه وودي بمثلها عشان تصرف النظر عن كتوفي اللي كنها كتوف لاعب كرة القدم الامريكية .

الثانية : أبد منتي صاحية وانا اختك ، والله كل البنات اللي اعرفهن في الجامعة يتمنون كتوف زي كتوفك ، يعني ما تتعبين في تجربة الملابس الجديدة .. يعني معليش .. شوفي يديني وش صغرهن .. لو لي كتوف زي كتوفك كان ما تبهذلت اذا شريت ملابس جديدة وتطلع قياساتها مضبوطة !

انتهى الحوار-----------------------------------

الشباب

بداية الحوار

الأول : حلقت ؟
الثاني : ايه .

انتهى الحوار-----------------------------------

:tongue: :tongue: :tongue:

هههههههههههههههههههه بس من جد الكلام

لاهنتو على المرور

وبيض الله وجيهكم

انا ماقول ان سوالفكم

بايخه

بس الدعوه كلها ضحك

وان شاء الله

مافيه زعل