كل الامهات بيقولوا كده

-هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه

-ده منظر اودة بني آدم ، انت عايش فيها ازاي؟


-ذاكر يا بني ذاكر ولا اقولك اللي بيذاكر بينفع نفسه


-يا ابنى انتى مخك نضيف بس لو تشد حيلك شويه هتجيد تقدير كويس

-قوم اقرالك كلمتين ينفعوك

-انتوا ما ينفعش تقعدوا فى البيت زى الناس المحترمين انتوا تقعدوا فى زريبة يا بهايم

-ما تقوم تقلع هدومك يا ابني و لا حأتفضل كده

-كل اللي بتعملوه ان شاء الله يقعدلك في عيالك

-سمعت الرعد في ودانكم

-الله يرحم ايام زمان كانت البت تقدر تقول لابوها ولا امها تلت التلاتة كام بنات اخر زمن

-انا معنديش بنات تخش البيت بعد الساعه اتناشر ..... يابابا انا ولد مش بنت ؟؟!! ماهو انت لو كنت بنت كان يبقي ارحم

-اللى ياكل على درسو ينفع نفسو

-ما تخرجى متتاخريش عن الساعة عشرة انتى شايفة ظروف البلد عاملة ازاى

-بص كويس وانت بتعدى الشارع

-كلمنا لما توصل

-وطي المدعوق ده شوية

-ياريتك تحفظ دروسك زى مانت حافظ الاغانى

-هما هيمتحنوك فى المتش

-متطلعيش على الملاية النظيفة وانتى رجليكى متوسخة

-عوض عليا عوض الصابرين

-واناهحرق دمي ليه ياكشي تولعو

-ومالها الكتب بتاعة الوزاره ؟!

-انا هربيكم من اول وجديد

-انا بقى سبت الشغل و قاعدالكو

-ماتجيش تشتكى بعد كدة وتقولى عينى بتوجعنى

-هو مورناش غيره ولا ايه خليكى متلقحة واوعى تقومى

-اصح يا حبيبى الساعة بقت 12 وتلاقى الساعة 8 الصبح

-طيب لما نروح ليكم كلام تاني مع ابوكم علي قله ادبكم دي انا هخليه ينكد عليكم

-انا ادعى على ابنى واكره اللى يقول امين

-يابنى نفسى تسمع الكلام ولو مرة واحدة فى حياتك

-ماما نفسي في اكله معينه.............. طبعا مانتو لاقيين الخدامه اللي تشتغلكوا

-قومى هاتى لنفسك يا حبيبتى اللى قدك فاتحين بيت

-ماهو انا الخدامة اللى جابهالكو البيه ابوكى

-اصل انا قاعدة على بنك



-جاتها نيله اللي عاوزه خلف

-مفيش خروج

-اخرص يا واد وكمان بترد عليا .... ليلتك سودة

- خلاص بقينا راس براس ورجلك شالتك

-اللى ياكل على درسو ينفع نفسو

انا خلاااااااااااااااص طقيت من الجملة دى

هههههههههههههههه جبت حاجه انا من عندي بقي
انا بحس ان ديه دروس بيتعلموها كل الامهات مع بعض كورسات يعني

هههههههههههههههه جبت حاجه انا من عندي بقي
انا بحس ان ديه دروس بيتعلموها كل الامهات مع بعض كورسات يعني