ليه يا دنيا كدة؟

ليه يا دنيا كدة
ليه بتعلمينا الاسى
مال زعابيبك طولت
دا امشير شهر في السنة
وانتي زعابيبك طول السنة
لحظات الفرح فيكي قليلة
ولا عمرنا بالنكران نطقنا
وانتي بجميلة فينا
بتقوي الحزن علينا
دا الشكوى في قلوبنا صرخة
وانتي كنماها فينا
دا الحب في طبعنا غالب
والكره منك شارد
بالحب عشناكي
وبالكره عيشتينا
يا هدامة بنيناكي
وانتي بتهدي فينا
درعك من فولاذ وحديد
كسر اجمل ما فينا
زايفة يا دنيا زايفة
الدهب فيكي قشرة
والفالصو كان اصله غالي
وقعتيه من العالي
علمتينا ان الحب قصة
على كل لون يا بطسطة
وانتي بطلة الرواية
والقصة هي القصة
مابتصدقش في النهاية
زمان حكمتي علينا
لعبتي بينا وسجدتينا
ذليتي كل عزيز فينا
بس خلاص يا غابة
يا اسود وديابة
ماهو عليا بعيد
حكمي عليكي وعيد