عجائب ثقافيه مصريه

دائما يحبوا المصريين..يحتفظوا بكياس محلات البيرفيوم..والمحلات النضيفه دي تحت السرير ..

----------

لو بتسمع عمرو دياب..يبقي انت راجل !..لو بتسمع تامر حسني..يبقي انت شاب بيجي بيجي..في حين انك ممكن تسمع الاتنين !..

----------

اي واحد عنده دقن..يبقي ملبس مراته الخمار..وبيقعدوا في بيتهم علي طبليه..وبيربي العيال علي الحصيره..وديما لما يجي ينصح ابنه يزاكر..يقوله ."استذكر دروسك ايها الوغد !"

----------

الاعلانات المصريه..لازم تبينلك ان الي بيتعلنله "اقراها كويس" ..انسان غبي ومتخلف....."موبايل بكاميرا"..يعني عندنا كاميرا ..وموبايل في نفس الوقت !!!.....


المعلن المصري...اكثر تخلفا من سياسه العالنين....مين الي بيدفع فلوس عشان يعلن عن كمبيوتر هارد دسكه اربعين جيجا .."يعني نقدر نخزن عليه..كل بياناتنا !!!"

----------

المسلسلات المصريه ..: يا اما يكون مسلسل في الصعيد...وعائلات بتتخانق مع بعض...
يا اما مسلسل ملوش اي تلاتين لزمه..عن مشاكل في بعضها..وناس قاعده في فيلال..وبتتخانق علي فلوس.."ال يعني بتعبر عن الواقع المصري "..

ملحوظه : في المسلسلات المصري لازم تيجي لقطه..يكون الراجل بيتكلم فيها..يقوم مدي ضهره للتاني..ال يعني متأثر وكده..يقوم التاني يكلمه بحسره ....

----------

الافلام المصريه : نصها بيضيع في الاغاني الي جوا الفيلم..ولحظات السرحان والضياع ..


----------

الناس الكبيره...شغلتها الاساسيه..الافتخار بالماضي..وسب الشباب...

قبل النت : ...جيل بايظ !..جيل الدش والتلفزيون ..!!..فيين..فين ايام الراديو !

بعد النت : ...جيل بايظ....جيل النت وغرف الدردشه ! .."مع ان غرف الدردشه انقرضت بانتهاء الحرب العالميه التانيه "..

بعد النت بشويتين : ...شباب الفيس بوك !!.."وغرف الدردشه بردو"..شباب بايظ !!..

بعد الثوره :...لو شاب مشي بيهش علي مناخيره في الشارع..."ادي يا عم شباب الثوره..اتفضل !"

----------

الناس القديمه : كل ما هو منتج حالي.."ابن كلب"..وانه لا يضاهي اي منتج من منتجات زمان..سواء كان علبه جبنه....سياره....شقه..

يقولك..بص..هي عربياتنا دلوقتي دي عربيات...فيين !!..فيين زمان..كانت العربيه تخش في الجبل...يعني..كان يحصل...."ويقوم قاطع كلامه بنفسه ويقول"..يااه..فيين !!

ولا علبه الجبنه.....هي جبنتنا دلوقتي دي جبنه....فين جبنه زمان ...كانت حتت الجبنه كده....يعني...فيين !

----------


اي منتج غير مصري او صيني يبقي جاحد....ست بتشتري صينيه..الراجل يقولها ..دي موزمبيقي !!..تقوله يااه !

وتقنع الي جايه تشتري معاها..ايوه يا بنتي ..ده موزمبيقي.."موزمبيق" معروفها بجودتها !!..


----------

الاسم بتاع المنتج دايما جاحد عند المصريين....تشتري حله..مكتوب عليها تفيللا "بدل تفيال"...فيكون نفس السيدتين الي كانوا بيشتروا..تقولها حلوه دي ..ترد عليها " ايوه يا بنتي..دي تفيللا !!"


----------

التعليم.....أهم حاجه ...تااخد شهادتك !!!...شهادت الجامعه طبعا ....الي عمرك ما هتشتغل بيها..ولكن "منظرك !"..يتحرق دمك اربعتاشر عشرين سنه..عشان الشهاده..وتبقي خريج هندسه..وعندك عربيه كبده.."بتعمل فلوس حلوه علي فكره "...

المهم متشتغلش بشهادتك..بس لازم تاخد الشهاده الكبيره !!..

ولازم يربطلك الشهاده ب مستقبلك...

ملحوظه : بيل جيتس "مؤسس مايكروسوفت" وستيف جوبس " مؤسس ابل" ومارك زوكربيرج " مؤسس الفيس بوك " ...سابوا جامعتهم في بدايه مشوارهم .."بس مش بقولك عشان تسيب جامعتك..يابني اهم حاجه هي الشهاده الكبيره ..دي مستقبلك !"