عمرو دياب أم تامر حسنى

**عضو فعال** المشاركات : 682 التسجيل يوم : 20/05/2009

نظرا للتمادى فى هذا الموضوع
وكثرة الخطأ والخلط أو الخلطابيطا بصراحة
"القاعدة الأساسية "
كل من يسمع تامر حسنى فهو يسمع عمرو دياب
وليس كل من يسمع عمرو دياب يسمع تامر حسنى "
واذا وجد غير ذلك فهم يحبوا تامر حسنى لشخصه او لطريقته أو لشكله أ, أو .... ومعظم هؤلاء من المراهقين لان المراهقين هم الذين تدفعهم غرائزهم
وليس تفكيرهم ..
لماذا هذه القاعدة
؟؟؟؟؟؟؟؟؟؟؟؟؟؟؟
لان عمرو دياب هو من وجد هذا الأسلوب الغنائى من بدايته
فهو بذلك ممثلا لهذا النوع من الموسيقى فى مصر والوطن العربى
قبل عمرو دياب
كان جيل العظماء عبد الحليم وأم كلثوم وغيرهم
فجاء عمرو بنوع مختلف تمام من الكلمات والموسيقى والتوزيع
فكان هذا صعب على المستمع ليتقبله
ولذلك أخذت خطوات عمرو دياب بطيئه فى البداية لانه صعب أن تقنع هؤلاء البشر بهذا النوع من الموسيقى بسهوله
ولذلك كانت الخطوات بطيئة ولكنها ثقيله كونت له جمهور عريض فى كل العالم العربى والاجنبى
وهذا ردا للجهله ممن يقولون أن تامر حسنى فعل ما فعله عمرو دياب فى خمسة وعشرون عاما فى خمس سنوات فقط
أولا تامر حسنى موصلشى لعمرو دياب
ولا هيوصله
واللى يقول غير كده يبقه منافق أو بيحب تامر حب شخصى غريزى مراهق
وهذا كلام تامر نفسه عن عمرو دياب
بأنه مثله الأعلى فنيا وموسيقيا
وكان يتمنى بأن يكون أخيه الكبير
يتميز عمرو دياب بذكاؤه الشديد
وهو ما وضعه فى المقدمه عن غيره من جيله
فكثيرا من جيله له أصواتا جميله ولكنه سبقهم لذكائه
هناك من زملائه من يمتلك صوتا أقوى من عمرو دياب
ولكنه الصوت ليس بقوته ولكن بجماله
مثلا عبد الحليم حافظ لم يكن أقوى الأصوات فى عصره ولكنه كان الأنجح والأقوى والأجمل والأعذب صوتا
فعرودياب يمتلك صوتا جميلا وذكاؤه هو من وضعه فى المقدمه دونا عن غيره
فأصبح سوبر ستار العرب
بلا منافس
لأنه استطاع أن يكسب كل الأذواق المختلفه
بالتنوع والتجديد والمعرفه باحتياجات جميع الطوائف والأذواق
ولذلك
قد يقول بعض البسطاء " أنا مش عجبنى غير كام أغنيه فى الشريط " مهو سيادتك الراجل ده مبيعملكشى لوحدك
فيه اللى بيحي الاغانى السلو وفيه الدرامى وفيه الحركى وكده
هوه بيعمل لكبه وسياتك نقى اللى يعجبك
وهذا هو الذكاء اشباع رغبات جميع الأذواق
ومن أهم الأسباب أيضا
التجديد لأن الروتين هو مفسد كل لذه
فلابد من التجديد فهو شخص محترف يعرف ما يفعل جيدا
فتجده يتعامل مع أعظم الشعراء والملحنين والموزعين
ودائما يجدد ومنهم من يكتشفهم ويضعهم على أول الطريق ويتركه للمجد
ويبحث عن جديد والأمثله كثيرة
وفى شريط وياه تجده تعامل مع الكبار تلحينا وتأليفا وتوزيعا ومع أجيال مختلفه للتنويع والتغيير والاختلاف ف
تجده تعامل مع مجدى النجار الذى تعامل معه فى بداياته
وعبد المنعم طه وهو جيل قديم
وتعمل مع بهاء الدين محمد وهو جيل الذى بعد الجيل القديم أى الجيل المتوسط
وتعامل مع جيل الشباب مثل المبدع أيمن بهجت قمر وهانى عبد الكريم خالد تاج الدين
وهو ما وضع على الشريط مسحه الاختلاف والتنويع
وكذلك تلحينا العملاق عمرو مصطفى من جيل الشباب
والبدرى كلباش من جيل الوسط ولحن عمرو دياب ما وجد فى نفسه انه قادر على تلحينه فقط
وكل له فكره الخاص المبدع
وليس كغيره من كتب أكثر من 80% من ألبومه " تامر حسنى
وهنتكلم عليه دلوقتى " فخرج عمل نهائى متميز للفنان عمرودياب
أما عن الألقاب
فسماه جمهوره بالهضبه فأحبه
لانه لقب من جمهوره وليس لقب سماه لنفسه كغيره
على الرغم من أنه سوبر استار ونجم الجيل فعلا
بمعنى للتوضيح يعنى
مثلا أنا أول ما سمعت أغانى سمعت عمرو دياب زمان وكان شريط عودونى والى الآن أسمع أغانيه فهذا اسمه جيل يبقه ده جيل طلع مع عمرودياب
فكده يستحق ان احنا نقول عليه نجم الجيل
والكلام ليس حصرا على فهناك الملاين ممن بدأ يسمع عمرو والى الآن يسمع عمرو فهذا يسمى جيل فله الحق أن نقول نجم الجيل
على النقيض طبعا الباشا تامر أبو حسنى
وعمرو دياب لا يرى أحدا ولا يسمع أحدا الى شغله وأغانيه فقط هذا ما يهمه
وليس منافسه لأحد كما يقول المرتزقه
وعن عمرو الانسان المحترم عمرو دياب يقدم فن جميل
مش مبتزل وفيه جزء هتكلم فيه عمرو دياب بيطلعلوا الالاف على المسرح عمره محضن واحده
والراجل يثبتلى غير كده والأدله كثيره
عندى مثلا فيديو لانسه ملكه جمال وطلعت على المسرح سلم عليها فوقفت وعاوزه تحضنه بقه الهبل ده كمل غنه وطبطب على كتفها بهدوء
كده اللى هوه يلا انزلى عيب كده راجل محترم غير البييه اللى قاعد يحضنلى فى البنات اللى ملهاش أهل دى
وعمرودياب الانسان الخلوق المتواضع طبعا نسمع عن أعماله الكثيره الخيريه
فمثلا
فى أحداث غزه تبرع فى بأجره بالكامل لضحايا غزه وكلنا نعرف ما معنى أجر عمرو دياب بالكامل الذى هوه بالكثير وهذا للمثل فقط
وليس على سبيل الحصر
وبرده أحب أفكركم بحاجه معينه كده فى حفله من حفلاته على ما أعتقد فى دبى فى واحد معوق نده عليه وقله ان فى واحده معاقه برده عاوزتتصرو معاه نزل من على المسرح واتصور معاها وومرداش يسبها تمشى الا لما يغنلها وغنلها لها هيا وانشاء الله هرفع لكم الفيديو أو هدور عليه واديكم الرابط فعمرو دياب لا يختلف عليه اثنين أنه انسان محترم ومتواضع
أما عن تامر حسنى أنا واحد الناس اللى سمعت تامر حسنى من بداياته
وقلت انه صوته حلو مع ان شرين كانت طغت عليه فى البدايه
لكنى كنت حابب تامر عن شرين فى شريطهم ياسلام مثلا على حبيبى وانته بعيد بجد كان فيه أغانى جميله
وأجمل الشرايط اللى عملها من وجهه نظرى شريط بعيش فانا والله بحب تامر لكن ليس كحبى لعمرو دياب
لانه لا مقارنه بين عمرو دياب وتامر حسنى
عمرو دياب فى خانه لواحده فى المقدمه موضوع منتهى
أما عن أخطاؤه الجسيمه فى شريطه الأخير الخطأ الأكبر والفادح كتابته لمعظم أغانى الألبوم أدى طبعا ان معظم الاغانى شبه بعضها
مفيش تغيير وتنويع كاف اضافه الى ان هوه مش شاعر محترف فيه كلمات واقعه اوى فى أغانيه مينفعشى تتقال
وألفاظ بايخه
أما عن أفعاله الشخصيه اللى مضيقانى ومنرفزانى جدا
موضوع البنات اللى بتطلع على المسرح يحضن ويهبل دى قله أدب ومسخره
عمرو دياب مبيعملشى كده ليه
؟؟؟؟؟؟؟
لانه راجل محترم البنات دى ملهاش أهل دى مسخره
وبعدين " اذا بليتم فاستتروا "
مش مصورهملى وفرحان ان فيه بنات بتحضنك
دا اسمه نقص وقله أدب
واللى يقول غير كده يبقه انسان مش محترم
ومعندوش أهل ترضه انه حد يحضن أختك
لو ترضه يبقه عليه العوض
ولك حق تبقه فرحان بيه دى اسمها قله ادب ومسخره ومفيش فنان عمل كده وموضوع التهرب من الخدمه السكريه
هوه نفسه معترف ان هوه غلط ازاى ده يبقه مثلى الاعلى
وهو مش راجل هربان من خدمة بلده
واتسجن والله لو هوه واحد تانى من البشر العادى
لكان اتسجن مدى الحياه فى قضية التهرب دى
وقضية التزويير
فبجد شريط تامر حسنى الجديد مش عاجبنى الا أغنيتين
اللى هما مش كلماته
وهما هعيش حياتى واحلم ليه عاجبنى جدا
ولكن باقى الشريط معاد ومكرر وفيه كلام صعب جدا
وفاقد للتغيير والتجديد
وفيه حاجه تانيه كمان ياجماعه ان تامر حسنى ليس أجمل الاصوات فى جيله
من وجهه نظرى ونظر ناس كتير جدا
مثلا حماقى وهيثم شاكر وتامر عاشور أصواتهم أحسن كتير جدا من تامر بصراحه اسمع شريط حماقى الجديد واسمع صوت هيثم شاكر
اينعم شريطه الاخير مش تمام بتاع هيثم
بس صوت هيثم شاكر اجمل مليون مره من تامر حسنى
وصوته أقوى من تامر كتير ...

مرسى جدا جدا ليك وتسلم ايدك يا غالى
ع الموضوع الاكثر من رائع

طيب أرد أقول أيه ع الكلام الوهم دة
طبعا مفيش وجهه مقارنة بين الكينج والاخ حسنى
عمرو تاريخة الغنائى 25 سنة أو أكثر
بيقدملنا كل سنة موسيقى ولون مختلف
فنان بجد تعب طول حياته علشان يوصل للشهرة والمجد
كان نفسه يوصل للعالمية ووصل كان نفسه فى حاجات كتيرة جدا ووصل ليها
عمرو هيفضل الفنان الاسطورة وسيخلد اسمه فى التاريخ كنجم عربى
متع جمهوره وحقق العالمية لنفسه
أما حسنى فلا تعليــــــــق !!
مش شايف أى جديد بيقدمه ألبومه الجديد سىء للغايه
وزى مانت قولت مكرر
وللاسف فى فنانين كتيرة جدا صوتهم قوى وجميل وأحسن من تامر
زى .. مدحت صالح - محمد محى - حماقى
فعلا دول الفنانين قلى صوتهم مميز جدا بس للاسف مش واخدين حظهم نهائى
معظم جمهور تامر مراهقين لا يتعدى سنهم 14 عاما !!
شكرا ليك جدا يا أحمد ع موضوعك الرائع
ومنتظرين منك المزيد أن شاء الله
تحيــــــــــــــاتى

مفيش حاجة أكتر أقولها بعد كلام الأستاذ محمد

Amr Diab كتب:: طيب أرد أقول أيه ع الكلام الوهم دة
طبعا مفيش وجهه مقارنة بين الكينج والاخ حسنى
عمرو تاريخة الغنائى 25 سنة أو أكثر
بيقدملنا كل سنة موسيقى ولون مختلف
فنان بجد تعب طول حياته علشان يوصل للشهرة والمجد
كان نفسه يوصل للعالمية ووصل كان نفسه فى حاجات كتيرة جدا ووصل ليها
عمرو هيفضل الفنان الاسطورة وسيخلد اسمه فى التاريخ كنجم عربى
متع جمهوره وحقق العالمية لنفسه
أما حسنى فلا تعليــــــــق !!
مش شايف أى جديد بيقدمه ألبومه الجديد سىء للغايه
وزى مانت قولت مكرر
وللاسف فى فنانين كتيرة جدا صوتهم قوى وجميل وأحسن من تامر
زى .. مدحت صالح - محمد محى - حماقى
فعلا دول الفنانين قلى صوتهم مميز جدا بس للاسف مش واخدين حظهم نهائى
معظم جمهور تامر مراهقين لا يتعدى سنهم 14 عاما !!
شكرا ليك جدا يا أحمد ع موضوعك الرائع
ومنتظرين منك المزيد أن شاء الله
تحيــــــــــــــاتى

كلام بصراحا مش عارفة اقول اية بعدة رأيى زيك يا استاذ محمد
وميرسى يا احمد اوى

ولله ييلي يقول غير الكلام ده يكون ما عنده لا ذوق ولا أخلاق بعدين هو حرام ينذكر اسم الزبالة ده في منتدى النجم عمرو دياب والصراحة فشيتلي خلقي بهذا الموضوع الممتاز وعندي صورتين لتامر ان شاء الله تعجبكم رح حطهم بالمنتدى قريبا جدا

هقول ايه يعني بعد كلام محمد

» عمرو مصطفى: عمرو دياب هو من صنع تامر حسني
» نيابة الجيزة تستدعى عمرو دياب وأكرم حسنى
» جمهور حسنى يتهم عمرو دياب بتقليد لحن احدى أغنيات ألبومه
» صوره جديدة دى جى تامر مع عمرو دياب
» بالصور: تامر في قسم الشرطة بسبب عمرو دياب