عمرودياب ::- جمهورى الحبيب بشكركم على تواصلكم معى

عمرودياب ::- جمهورى الحبيب بشكركم على تواصلكم معى

مساء الخير علي جمهورى الحبيب

انا سعيد بوجودى معاكم النهارده عشان ارد على اسئلتكم واستفسارتكم

انا هرد بشكل عام على الاسئله عشان تبقوا متابعنى

بالنسبة للسؤال اللي بيسئل عن الكليب اللى جاى تم الاتفاق مع روتانا مبدئيا على تصوير كليب ثانى وفى الغالب هيكون الومك ليه وده بناء على ردود فعلكم اللى وصلتنى عن طريق الموقع وتويتر.

بالنسبة الى الاكاديميه طبعا كلنا عارفين الظروف اللى حصلت بعد افتتاحها وتوقفت بسببها وانا اوعدكم انها هترجع قريب جدا من خلال الموقع وهتسمح لكل الناس تشارك من اى مكان بشكل مباشر.

الالبوم الجاى انا هبتدى فيه قريب جدا عشان مفترض انه ينزل اواخر 2012 او اوائل 2013 ان شاء الله .

نقطة متابعتي لطلباتكم انا حريص على متابعتها زى ما عملنا تصويت على اغنية ياريت سنك وصدرت ووصلنى طلبكم على تصوير الومك ليه وان شاء الله هتتصور بالتنسيق مع روتانا .
اما قال فاكرينك فكان فيها مشاكل فنية وملحقتش تنزل في البوم بناديك تعالى وانا اوعدكم انها تنزل فى الالبوم الجاى .

لقائي بيكم مش هيكون الاخير هيكون مستمر وانا بتواصل معاكم عن طريق تويتر من خلال موبيلي بشكل دائم لانه الاسهل والاسرع فى الوصول ليكم .

بالنسبة للظهور الاعلامى انا بفضل يكون اونلاين عن طريق الانترنت لانه بيوصل ليكم جميعا فى كل انحاء العالم وان شاء الله هيكون ليا لقاء قريب بيكم على دياب اف ام تعويضا عن لقائي اللى كان مفروض يحصل بعد افتتاح الراديو واتاجل بسبب الظروف الماضية.

نقطة تفعيل دور الموقع الرسمي اعتقد ان اللى بيحصل دلوقتى هو شكل من اشكال التفاعل بالاضافة الى انه من وقت للتانى بتابع كل مقترحاتكم .

الناس اللى بتشتكى من طول مدة الالبوم اوعدكم ان المرة دى مش هيكون في تطويل بس لازم تاخدوا فى الاعتبار ان صناعة اغنية ناجخه ترضيكم حاجة مش سهله وبنعدل عليها كتير انا وفريق العمل عشان توصلكم بشكل يرضيكم.

عجبتنى جدا الفكرة اللي بتطالب بتصوير كواليس العمل فى الالبوم دي فكرة هايله واوعدكم انفذها فى الالبوم الجديد.

بالنسبة الى الادعية الدينيه ان شاء الله هيكون فى ادعية جديدة رمضان الجاى .

بخصوص اذاعه الحفلات انا بفضل انها تكون اونلاين على شبكة الانترنت عشان هو ده المستقبل وتكون متشافه على مستوى كل الجمهور فى انحاء العالم وان شاء الله خلال الفترة الجايه هخلي المكتب يزود كمية الحفلات اللى بتتعرض ليكم .

الاغانى اللى مش بتتغني في الحفلات ان شاء الله هعملكم ميدلي جديد يغطى الاغانى دى .

بالنسبة لاقامه حفل في القاهرة ده بيكون شغل منظمين بس انا ممكن اخلي المكتب عندى يشارك في تنظيم حفل كبير يظهر بشكل يرضيكم ويتعمل كل فترة .

بالنسبة للمسلسل معتقدش انه هيظهر خلال 2012 لسه شويه عليه.

انا بشكركم جدا على وجودكم معايا انا حاولت ارد على اكبر قدر ممكن من الاسئله وان شاء الله قريب اوى هيكون لينا لقاء تانى وانا فى انتظار كل مقترحاتكم دايما .

فى النهاية عاوز اقلكم حاجة مهمه انكم انتم اللى بتدونى القوة للاستمرار فى العمل رغم كل الظروف

M o H a M e D كتب:: بالنسبة للسؤال اللي بيسئل عن الكليب اللى جاى تم الاتفاق مع روتانا مبدئيا على تصوير كليب ثانى وفى الغالب هيكون الومك ليه وده بناء على ردود فعلكم اللى وصلتنى عن طريق الموقع وتويتر.
.

وآآآو بجد آحلى خبر .. تسسلم الآيآدي يَ محمد

الناس
اللى بتشتكى من طول مدة الالبوم اوعدكم ان المرة دى مش هيكون في تطويل بس
لازم تاخدوا فى الاعتبار ان صناعة اغنية ناجخه ترضيكم حاجة مش سهله وبنعدل
عليها كتير انا وفريق العمل عشان توصلكم بشكل يرضيكم.

حبيبي يا عمرو منبي قول لتامر اللي بيعمل البوم كل 3 ساعات

» خيانه الحبيب
» قصيده عن عذاب الحبيب
» اخبار عمرودياب
» صور تحفه للقنان عمرودياب
» عمرو دياب : لا اجد من ينافسني وشكرا جمهوري الحبيب