سنة 1880
الاب وهو يصرخ : خليني ... خليني أقتلها ... اللي ماتستحي ... اليوم ضحكت بصوت عالي في ساحة البيت بكرة ايش بتسوي ؟ بتروح ترز نفسها جدام الريايل بالبقال وبتشتري زبادي ؟
الحمدلله اني كنت انا اللي مار جنب البيت وسمعت صوتها ... لو حد ثاني كان مار ايش كان راح يصير ؟
الام : يا ريال اهدأ مب زينة العصبية عشان صحتك .... اهدأ .
الاب :لااااا اتركوني ... انا ماراح ارتاح الا لما ادفنها الليلة .... ناوية اتوطي لي راسي هالبنت؟
الام : لا الله يخليك أوعدك ... أوعدك انها ماراح تعيدها .... أنا راح أضربها ليما أتعب .... بس أنت هدي نفسك
وما هدأ الاب الا بطلوع الروح وسامح البنت هالمرة على الذنب اللي اقترفته بالخطأ ....
سنة 1910
الاب وهو يصرخ : ايييييييييييش تبي اتروح المدرسة هذا اللي ناقص والله .... أن البنت تطلع من البيت كل يوم الصبح وتروح المدرسة
الام : اهدأ يارجل مب زين اتعصب انت عندك الضغط والسكر ... اهدأ وفكر في صحتك
الاب : لا ماراح أهدأ الا لما لأقتلها وأدفنها بأرضها اتركوني عليها ... انا الغلطان انا الغلطان اني تركتها تروح الكتاب عشان تتعلم تقرأ القرآن ... والحين كبر راسها وتبي تروح المدرسةانا ذابحها اليوم يعني ذابحها ناوية تفضحني هالبنت لازم ازوجها لاي واحد يطق بابنا قبل لا تفضحني
وما هدأ الاب الا بطلوع الروح ... وسامح البنت على الذنب اللي اقترفته
سنة 1950
الاب وهو يصرخ : شنو شنو؟ تبي تدرس الجامعة هذا اللي ناقص بناتنا يطلعون ويدرسون الجامعة
الام : اهدأ يا بو عيالي .... فكر في نفسك شوي أنا خايفة عليك .... مب زينة العصبية عشان قلبك أهدأ
الاب: لااا أبداّ انا لازم أقتلها ماعندنا بنات يدرسون الجامعة حدها الثانوية ....أنا غصب وافقت تكمل الثانوية والحين تبي تدرس الجامعة لاااااااا انا لازم اذبحها ..... هذي ناوية توطي راسي ولا ايش
وما هدأ الاب الا بطلوع الروح .... وسامح البنت على غلطتها
سنة 1990
الاب وهو معصب : تخسي ماعندنا بنات يسوقون سيارة هذا اللي ناقص توقف عند الاشارات والرجال يطالعونها
الام : اهدأ يا رجل صحتك بالدنيا مانبي نخسرك عشانها اهدأ الحين باكلمها وباقولها تعقل وتشيل هالفكرة من راسها ... اهدأ بس
الاب : لا مب هادي انا غصب وافقت تشتغل ... وشرط انها تشتغل مدرسة وبس ....والحين تبي تسوق احنا ناقصين؟ تبي الناس يتكلمون علينا بكرة
وما هدأ الاب الا لما أخذ المهديء ... وسامح البنت هالمرة
سنة 2020
البنت وهي تصرخ : وينههه وين راح هالريال هذا اللي عاد نفسه ابوي خلوني اقتله بهالمسدس وارتاح منه
الام : اهدي يا بنتي اهدي مش كويسة عشانك العصبية صبغة شعرك راح تبهت لونها .... اهدي
والاب كلما ينطق كلمة البنت اتسكته يبغي يدافع عن نفسه بس خايف على نفسه من البنت
البنت : كم مرة قلت له لاياخذ مفاتيح سيارتي كان عندي مشوار مع اليكس (البوي فرند) وها ل**** هذا خرب علي المشوار انا ذابحه يعني ذابحه
قولي لزوجك لا يلمس مفاتيحي المرة الجاية ترى والله ماراح اعديها له
وما هديت البنت الابطلوع الروح .... وسامحت الاب عالغلطة الفظيعة
موضوع: علاقة الأب بأبنته خلال مر السنين!!!!! 
