السيره الذاتيه للاحمد حلمي

أحمد حلمي


أحمد محمد حلمي عواد،( ولد بتاريخ 18 نوفمبر 1975

, ممثل مصري، ولد في في مدينة بنها بمحافظة القليوبية.

وهو الابن الأوسط من 3 إخوة (خالد - أحمد - سالي). عاش في المملكة العربية السعودية عدة سنوات بسبب عمل والده بالسعودية تلقى تعليمه حتى الصف الثاني ثانوي بمدارس السعودية تخرج من المعهد العالي للفنون المسرحية - قسم الديكور. بدأ عمله مذيعاً في القناة الفضائية المصرية في برنامج (لعب عيال). ونجح بعدها فاتجه للتمثيل وقام بأول أدواره في فيلم عبود على الحدود حيث شارك الممثل علاء ولي الدين وكريم عبد العزيز البطولة ولفت المتابعين بأداه الكومدي. متزوج من الممثلة منى زكي ولديه بنت اسمها لي لي.

السيرة الفنية
الأفلام
*21\(اكس لارج) تحت التحضير
*20\ (18يوم) في دور امين شرطه
* 19- 2010 ( بلبل الجيران ) ( نبيل )
* 18- 2010 ( عسل إسود ) دور : مصري سيد العربي.
* 17- 2009 ( ألف مبروك ) دور : أحمد جلال عبد القوي.
* 16- 2008 ( آسف على الإزعاج ) دور : حسن.
* 15- 2007 ( كدة رضا ) دور : ثلاثة توائم في نفس الاسم : رضا (برنس - بيبو - سمسم).
* 14- 2007 ( مطب صناعي ) دور : جلال كامل نور الدين البشبيشي (ميمي).
* 13- 2006 ( جعلتني مجرما ) دور : رشدي أباظة.
* 12- 2006 ( ظرف طارق ) دور : طارق الوكيل (منتحل شخصية : عمر أبو الوفا).
* 11- 2005 ( زكي شان ) دور : زكي سالم الأسيوطي.
* 10- 2004 ( صايع بحر ) دور : حنتيرة.
* 9- 2003 ( ميدو مشاكل ) دور : حامد (ميدو) " أول بطولة مطلقة "
* 8- 2003 ( سهر الليالي ) دور : عمرو.
* 7- 2001 ( 55 إسعاف ) دور : سيد.
* 6- 2001 ( السلم و الثعبان (فيلم) ) دور : أحمد.
* 5- 2001 ( رحلة حب ) دور : رمزي.
* 4- 2000 ( الناظر ) دور : عاطف.
* 3- 2000 ( عمر 2000 ).
* 2- 2000 ( ليه خلتني أحبك ). دور : زكريا
* 1- 1999 ( عبود على الحدود ) دور : سعيد.

* 2003 ( التجربة الدنماركية ) ضيف شرف في دور : أحمد حلمي.
مسلسلات

1- ناس ولاد ناس. 2- دمعه على خد الزمن. 3- حلم العمر كله. 4- السندريلا 5-الجماعة

مسرحياته
1- حكيم عيون 2- عفروتو

برامجه
1- لعب عيال 2- دربكة 3- من سيربح البونبون
جوائز الأكاديمية
جائزة احسن ممثل - {مهرجان دمشق الدولي}
جائزة احسن ممثل - {مهرجان البينيال في باريس}
جائزة احسن ممثل - {مهرجان الكاثوليكي السنمائي }
جائزه احسن ممثل كوميدي - {اوسكار السينما العربيه}
جائزة تكريم - {مهرجان المسرح العربي}


واخر اخباره هي

اختار الفنان احمد حلمى فيلم اكس لارج ليشارك به فى موسم صيف 2011 ليكون هذا الفيلم باكوره انتاج شركته الجديده التى يشارك فيها زوجته الفنانه منى
زكى وهو من تأليف الشاعر أيمن بهجت قمر
وقال قمر الذي لم ينته بعد من كتابة العمل: أقوم حاليا بعقد جلسات عمل مع الفنان أحمد حلمي والمخرج شريف عرفة للانتهاء من جميع تفاصيل فيلم "إكس لارج". واكد ان فريق العمل يعمل بشكل مكثف على وضع كافة تفاصيل الفيلم للبدء في تصويره بأقرب وقت ممكن، حتى يتمكنوا من عرضه في صيف 2011.

وهذه بعض صور له









وفي الاخير حبيت اجيب ليكم
مذكرات الفنان (أحمد حلمي) كما كتبها في أجنداته
...................................................................
كانت معلوماتي عن كتابة المذكرات أن الكلام اللي مكتوب فيها بيودي الناس اللي مكتوب عنهم في داهية.. واللي بيكتبها بيتقتل في الآخر.. علشان كده كنت هامضيها باسم واحد صاحبي بيحب يتقتل.


سنة 1900 حاجة و80 كان عندي شوية سنين ما يتعدوش الخمستاشر.. قررت أكتب مذكراتي، وكان الغرض الرئيسي من ورا كتابتها إني أودي الناس كلها في داهية لما انشرها.. ما هي دي كانت كل معلوماتي عن كتابة المذكرات.. إن الكلام اللي مكتوب فيها بيودي الناس اللي مكتوب عنهم في داهية.. واللي بيكتبها بيتقتل في الآخر.. علشان كده كنت هامضيها باسم واحد صاحبي بيحب يتقتل.

المهم.. بعد قرار كتابة المذكرات كان من الطبيعي إني أدور علي حاجة أكتب بيها.. فاشتريت تلات "تقلام" "أحمر وأزرق وأسود".. الأحمر علشان أكتب بيه أسماء الناس اللي هايروحوا في داهية علشان تكون أساميهم واضحة لما البوليس يقلب في الأجندة لأنه مش هايكون عنده وقت يقرا كل اللي مكتوب فيها.. والأزرق أكتب بيه عمايلهم الزرقة اللي هايروحوا في داهية بسبب زرقانها.. والأسود بقي هاكتب بيه نهايتهم السودة.. وبعد ما اشتريت "التقلام" اللي هاكتب بيها.. كان فاضل اشتري حاجة أكتب فيها.. فكانت الأجندة "الخضرا".

وصحيت الصبح يوم 1900/1/1 حاجة و80 بعد ما نمت بدري قبلها بيوم عشان أصحي بدري آخد اليوم من أوله وأكتب قبل مايفوتني حاجة.. جبت "التقلام" اللي هاكتب بيها والأجندة اللي هاكتب فيها.. وفتحت الأجندة علي أول صفحة، وبصيت للأقلام الثلاثة المحطوطين قدامي علي المكتب.. احترت أمسك أنهي قلم.. الأحمر وألا الأزرق والا الأسود.. مسكت الأحمر.. طب اكتب اسم مين.. ده لسه مافيش حد عمل حاجة.. أنا الوحيد عملت - إني صحيت من النوم- طب أكتب اسمي! مش معقول أبقي أول واحد أوديه في داهية أنا.. وصحياني من النوم عادي.. لا فيه فعل أزرق ولا نهاية سودة.. بالعكس دي بداية يوم وبداية مذكرات.. فكان لازم آلاقي قلم بلون محايد أكتب بيه.. فتحت درج المكتب لقيت قلم رصاص مبري.

مسكته وبصيت لأول صفحة وكتبت.. "بسم الله الرحمن الرحيم.. إنه يوم الجمعة الموافق 1900/1/1 حاجة و80 استيقظت من النوم في تمام الساعة العاشرة صباحا لكي أبدأ في كتابة مذكراتي.. فجلست علي مكتبي ونظرت إلي الأقلام أمامي.. الأحمر والأزرق والأسود.. واحترت في اختيار واحد منها.. ففتحت درج مكتبي، فوجدت قلما "رصاص" فأمسكت به، وفتحت أول صفحة من الأجندة ونظرت لها ووجدت نفسي أكتب.
بسم الله الرحمن الرحيم.. إنه يوم الجمعة الموافق 1900/1/1 حاجة و80 استيقظت من النوم في تمام الساعة العاشرة صباحا لكي أبدأ في كتابة مذكراتي.. فجلست علي مكتبي ونظرت إلي الأقلام أمامي.. الأحمر والأزرق والأسود.. واحترت في اختيار واحد منها.. ففتحت درج مكتبي، فوجدت قلما "رصاص"، فأمسكت به وقلب أول صفحة من الأجندة، ونظرت لها ووجدت نفسي أكتب..بسم الله الرحمن الرحيم.. إنه يوم الجمعة الموافق 1900/1/1 حاجة و80 استيقظت من النوم.. إيه ده؟ ده أنا باعيد نفس الكلام تاني.

اكتشفت إن المذكرات لازم لها أحداث.. يا إما الأجندة هاتخلص وأنا لسة في مكاني.. والحدث الوحيد اللي عملته إني صحيت من النوم، وقعدت علي المكتب وبصيت إلي أقلامي.. الأحمر والأزرق والأسود، واحترت في اختـ.. يا دي النيلة أنا هاعيد نفس الكلام برضه؟! سيبت القلم الرصاص، وقلت لازم يبقي في أحداث اتحط فيها وأكتب عنها وعني.. وابتديت فعلا رحلة البحث عن الأحداث.. رحلة ابتدت من وقتها لحد النهاردة.. أحداث تشيلني وأحداث تحطني.. أحداث قصيرة تفرحني.. وأحداث طويلة تكئيبني.. مواقف حلوة بتعدي بسرعة البرق.. ومواقف حقيرة زي الشلالات مبتخلصش.. لحظات تمر كأنها سنين.. وسنين تفرط من عمرك كأنها ثواني.. رحلة طويلة لم تنته حتي هذه اللحظة.. رحلة خلصت فيها ورق لأجندات كتير.. إشي خضرا وحمرا.. ومن بعديهم لبني وسودة ونبيتي تحفة وكله ولا البني.. ولو شوفتوا بقي الزرقة.. تجنن.. كل الألوان.. أجندات لكل السنين.

من أول 1900 حاجة وتمانين.. لحد النهاردة.. وفجأة مش عارف إيه اللي خلاني أجيب كل الأجندات اللي كتبتها، وقعدت أقلب وأقرا بين أيامها المتنتورين علي صفحاتها اللي كانوا مبيضين وبقوا مزرقين علي محمرين.. ابتديت بالأجندة "الصفرا".. ومش هاقولكوا الأجندة كانت بتاعت سنة كام.. لأني اكتشفت إن ترقيم السنين مبيغيرش كلام كان مكتوب بقلم رصاص ابتدي بسن رفيع وانتهي بخط تخين.

"الأجندة الصفرا".. سنة من السنين.. صفحة 56.. مكتوب فيها: "بسم الله الرحمن الرحيم.. مقهي صغير يجلس عليه بعض المسنين.. كانوا بيتكلموا عن حنية وطيبة أيام زمان.. لما كان مافيش ولا دار للمسنين.. لما كان الابن والبنت حنينين.. عم متولي أب قديم عنده من السنين ييجي خمسة وسبعين.. شفط شفطة من الشاي، وقال لصديقه عم إبراهيم: إنت عارف يا إبراهيم الوحدة مخلياني ميت بالحيا.. نفسي خيري إبني يقولي تعالي أقعد معايا كام يوم .. عارف يا إبراهيم.. أنا مش هاروح.. بس نفسي يقولها.. إبراهيم قاله: متزعلش.. خلاص فاضل شهر ولا اتنين ويفتتحوا أول دار للمسنين.. يااااااااه يا خيري".

الأجندة "الزرقا".. صفحة 67.. مكتوب فيها: "أستغفر الله العظيم.. قالها الأستاذ جرجس لما قطعوا الشجرة اللي كانت بتظلل علي عربيته التمانية وعشرين.. أصلهم كانوا عايزين يطلعوا بالدور العشرين، وخلاط الأسمنت مش عارف يقف غير في الحتة اليمين بين الممرين.. اللي فيها شجرة الياسمين.. فقطعوا الشجرة وطيروا العصافير اللي كانوا فيها معششين.. يااااااااه يا شجرة الياسمين".

الأجندة "الحمرا".. صفحة 73.. مكتوب فيها: "حسبي الله ونعم الوكيل.. قالها شاب أسمر صعيدي لما شاف بنتين ببنطلونين محزقين من ضهرهم ماشيين.. سبقهم بخطوته علشان يغض العين.. شاف وشوشهم لقاهم شابين بشنبين.. متبنتين.. راح مأخر خطوته عشان مايشوفش وشهم اللعين.. وقال كنفسه ياريتني ما سبقتهم، وفضلت فاكرهم بنتين متحزقين.. يااااااه ياعين".

الأجندة "المحمحي".. صفحة 82.. مكتوب فيها: "لا حول ولا قوة إلا بالله.. لإمتي هانفضل ساكتين.. ولا هو يعني علشان ليه كرش سمين يقوم يعمل اللي عايزه وياخد حقنا ويخرج منها صاغ سليم.. أمال فين السين والجيم.. ولا الحرفين دول مخلوقين للسكات والجحيم.. فين قانون العدل يا محترمين.. ارحمونا من أبو كرش سمين.. ده دخل القسم وخرج منه زي الشعرة م العجين.. إن كان هو بني آدم طب ما إحنا كمان بني آدمين.. ومخلوقين زيه من طين.. ولا دي كمان هاتغيروها يا واصلين.. يااااااااه يا ساكتين".
الأجندة "الفحلقي".. صفحة 95 مكتوب فيها: "أعوذ بالله.. ده انت لو كافر يا أخي هاتكون أحن من كده.. دول ولاد أختك اليتامي المحتاجين.. واكل فلوسهم وعامل نفسك عليهم وصي وأمين.. وإنت حرامي وبتقول ولا الضالين آمين.. وأنا لسة سامعك بودني لخامس مرة بتسب الدين.. يااااااااه يا دين".

الأجندة "الفزدقي".. صفحة 103 مكتوب فيها: "وإحنا فايتين علي الحدود مستمرين في الصعود.. اختفي النيل الجميل من تحتنا.. والمدن والريف.. وأول عمرنا.. وابتدي شيء ينجرح.. جوة القلوب.. وابتدينا أسئلة مالهاش ردود.. نمنا عـ الشباك نخبي دمعة فرت مننا.. يا سلااااام علي فرقة الأصدقاء.. صحيح.. فين النيل والريف؟ فين عمرنا؟ وفين ردود الأسئلة؟ لإمتي هاتفضل تفر الدموع مننا.. يااااااااه.. أصدقاء".

الأجندة "البندقي".. صفحة 107.. مكتوب فيها: "بجنيه عيش.. بجنيه فول.. بجنيه طعمية.. بجنيه جبنة "أريش".. وربع جنيه شاي.. وربع زيت للفول.. ومش مهم الملح.. مر الأيام غانينا عنه.. ومش مهم الشطة.. كفاية حُرقة الفقر ملهلبانا.. وربع جنيه سيجارتين واحدة الصبح والتانية بالليل في البلكونة.. يبقي كده كام في اليوم يا عبد الرازق؟ أربعة جنيه خمسة وسبعين قرش.. قول خمسة جنيه بالعلاج والعلام والفسح.. إضرب بقي في تلات طقات.. يعني خمستاشر جنيه في اليوم يا عبد الرازق.. في تلاتين.. يعني ربعمية وخمسين جنيه في الشهر يا عبد الرازق.. كتير.. طب احسب علي طقتين كده.. يبقي تلتميت جنيه في الشهر يا عبد الرازق.. طب لو طقه؟! يبقي ميه وخمسين في الشهر يا عبد الرازق.. طب مافيش حاجة أقل من طقه؟! فيه.. إنك تطق تموت يا عبد الرازق.. يااااااااه.. أخيرا اتحلت".

الأجندة "البنفسجي".. صفحة 109 مكتوب فيها: "إنا لله وإنا إليه راجعون.. مات وهو بيشرب.. كان بيشرب ميه وشرق مات.. حد يصدق.. ده كان بصحته وعافيته.. كان زي الفل طول بعرض.. إيه اللي شرّقه وموّته؟.. أكيد حد جاب في سيرته فشرق مات.. حد!.. زي مين؟.. أي حد بيكرهه.. هو في حد بيكره؟ يااااااااه.. كتير".

لقيت في أجنداتي أسامي كتير محمرين.. وآلافات السطور مزرقين.. ومافيش ولا نهاية من النهايات المسودين.. الأقلام "الحمر" في درج مكتبي كتير فاضيين.. والأقلام الزرقة أنابيبهم مبيضين.. أما القلم الأسود اليتيم اللي من سنة حاجة وتمانين.. زي ما هو.. لا كتب حرف ولا كلمة ولا جملة علي أي حد من اللي أساميهم محمرين وأفعالهم مزرقين.. مع الزمن اتمسح الكلام اللي مكتوب بالرصاص.. وفضلت الأسامي الحمر علي ورق الأجندة متفرقين.. وسطور زرقة متجمعين زي كتل الدم في الجسم الأبيض محبوسين.. أما النهايات السودة ماتكتبتش.. أكتبها إزاي إذا لم تذكرها السنين.. وآخر أجنداتي كانت الأجندة البمبي أم سوستة.. بتاعة سنة 2000 و9.. حطتها فوق الرف مع إخواتها القدام الملونين.. وأبدأ سنة 2000 و10 ببسم الله الرحمن الرحيم.. وأجندة جديدة وقلمين تانيين.. أحمر وأزرق مليانين.
__________________

موضوع مرآ نآيس

لشخصيه محبوبه كثير

اول مرآ بعرف انه كان يدرس عندنآ

تسلم الآيادي احمد

....