المشير طنطاوي يزور مبارك في مستشفي السجن قبل الإدلاء بشهادته …

المشير طنطاوي يزور مبارك في مستشفي السجن قبل الإدلاء بشهادته …

- خلاص هتبيعني ي...ا طنطاوي ؟؟ ..

- معاش اللي بييعك يا ريس .. بس انا مزنوق فعلاً ..

- لو مزنوق في ركن الزنزانه واديها يا طنطن ..

- مقصدش يا ريس ..بس أنا خلاص عرفت هتصرف ازاي ..

- هتقول المحكمة مين اللي قتل الثوار يا طنطاوي ؟

- هنلبسها لجمال ابنك يا ريس

- قشطة ..طب هتقولهم مين اللي قطع الاتصالات ؟

- هنلبسها لعلاء ابنك يا ريس ..

- طب هتقولهم مين المسئول عن معركة الجمل ؟

- هنلبسها لمراتك سوزان يا ريس ..

- سوزان ؟؟؟ .. ايه اللي بتقوله ده يا طنطاوي ؟؟

- احم .. انا اسف يا ريس .. الظاهر اني اتعديت حدودي ..

- مش القصد .. بس سوزان انا ملبسها 13 تهمه تانية فمش ناقصه ..

- وماله يا ريس ما نخليها 14 عشان تاخد الإعدام المتين ..

- طب و قضية الأراضي و تصدير الغاز يا طنطاوي ؟

- الحمد لله .. حسين سالم لبسها لوحده محدش قاله البس ..

- طب وانا يا طنطاوي ؟

- انت هتبقى من شهداء 25 يناير يا ريس ..

- مينفعش يا طنطن ؟؟!

- ليه بس يا ريس ..

- عشان شهداء 25 يناير ماتوا في أحداث يناير .. زي ما حماده هلال قال .. واحنا
دلوقتي في سبتمبر ..وانا مبحبش ازعل حمادة ..

- يا ريس اللي حصل في يناير اللي فات ده حماده هلال .. واللي جي ده حمادة

تاني خالص..

- بس تفتكر الموضوع ده هيخيل عالشعب يا طنطن ..

- يا ريس الشعب مش فاضي عمال يدور على كوبون البلاي ستيشن في الكيمو كونو ومش فاضي لحاجه تانيه ..

- كوبون البلاي ستيشن ؟ .. على ايامي مكنش فيه كوبونات يا طنطن .. كان اللي
بيفتح الكيمو كونو بيلاقي البلاي ستيشن في قلب القرطاس علطول ..

- صادق يا ريس .. هي ايامك دي تتعوض .. ده الشعب النمرود ده قطع عيش السفير
الاسرائيلي وطرده .. و الراجل بقاله اسبوعين دايخ بالـ(سي في) بتاعته في
تل ابيت و مش لاقي شغل ..

- يعني أنا كنت طيب يا طنطن ؟!

- طبعاً يا ريس ..

- زي الأستاذ محمود الجندي والأستاذ كمال ابو ريه ؟

- وزي دينا ، وسعد الصغير ، وانغام ، ودياب بتاع غمازات يا ريس ..

- امال ليه بيقولوا اني كنت بلعب بالبلد سنجل ؟ ..

- سنجل فين بس يا ريس؟ ..امال جمال وعلاء دول بيعلموا ايه .. مهم كانوا بيلعبوا بالبلد معاك برضه ..

- انت خبيث يا طنطن ..

- ده احنا عشرة عمر يا ريس .. هسيبك بقى عشان الفنجري بيرن عليا ..

- طنطاوي ..

- عيون طنطاوي يا ريس ..

- اعمل الصح ..

- من غير ما تقول يا ريس ..

ياللهوى

هههههههههههههههههههههههههههههههههههههههههههههههههههههههههههههههههههههههههههههههه

حوار ملوش حل

المشير طنطاوي يزور مبارك في مستشفي السجن قبل الإدلاء بشهادته … 234645

» أبناء مبارك: هنهد السجن هنولع فيه لو مبارك حكموا عليه
» و.بوست: شهادة طنطاوي تعدم أو تبرئ مبارك
» الجزء الذي حذف من كلمة المشير ويثبت براءة الرئيس مبارك
» تأجيل محاكمة مبارك لـ9 يناير.. والنيابة تطالب بإعدام مبارك والعادلي
» أبناء مبارك: مبارك من الاشراف وايران قتلت الثوار!!