حوار مصري جدا جدا

السلام عليكم و رحمة الله و بركاتة
أنا عارف ان دة مش القسم اللى العبد لله نشرف علية بس الحوار اللى مكتوب دة الفتة مع نفسى مع عدم التقليل من شأن المشرفةreem

حوار مصري جدا جدا يمكن يكون قديم بس بصراحه متجدد دائما وكل يوم ...

يقال إن87%من الشعب المصرى ساخطون على الحكومة المصرية ... ما تعليقك ؟

ال 13% الباقيين معاهم جنسيات أخرى .

تقرير :45% من الشعب المصرى مصابون بمرض السكر ما تعليقك ؟

آدى اللى خدناه من" الحلوانى " اللى بنى مصر .

ما أهم مظاهر الفهلوة عند المصريين ؟

انهم يشكون فى الشحات ولا يشكون فى النصاب .

ليه الحزب الوطنى بيعمل اعلانات لنفسه مع ان البلد كلها بتاعته ؟

زى ما شبكة الأوربت بتعمل اعلانات لنفسها على شاشة الأوربت .

ما الفرق الأهم بين مصر وأمريكا ؟

ـ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .

ما أهم قاعدة موجودة فى مصر ؟

ـ ان مفيش قاعدة لأى حاجة

لماذا يطلق المصريون على زوجاتهم لقب " الحكومة "؟

لصعوبة تغييرها مهما تسببت فى كوارث .

أين يمكنك أن تلاحظ سوء نية المصريين ؟

عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا ..

امتى بتحس ان البلد حلوة ؟

ـ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)

امتى هناكل جوافة من انتاج مزارع توشكى ؟

ـ لما نلاقى المشمش!!!!!

ما العلاقة بين عصام الحضرى وسمن روابى ؟

ـ الطعم فلاحى وتحدى .

هل لك أقارب استشهدوا فى الحرب ؟

لأ عندى أقارب استشهدوا فى السلام ..... " السلام 98" .

60 % من الرجال المصريين يشخرون وهم نائمون ...... ما تعليقك ؟

ال 40 % الباقيين بيشخُرووا وهما صاحيين .

ما الدليل على أن مصر بلد الامان ؟

الدليل ان الواحد بيتردد كتير قبل ما يدخل أى قسم شرطة ..

ايه الكلمة اللى ما بتحبش تسمعها وانت فى أوضة العمليات ؟

يا خسارة .

ما الفرق بين الزوجة المصرية والزوجة اللبنانية ؟

40 كيلو جرام على الأقل .

بماذا ستجيب كمصرى عند سؤالك عن عمرك فيما أفنيته بعد عمر طويل ؟

ـ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .

من المستفيد من الزحام الذى يسيطر على شوارع القاهرة ؟

شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".

المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .

المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .

المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .

ليه بيقدموا الساعة ساعة عندنا فى الصيف ؟

ـ علشان مصر تتقدم بينا .

لماذا يقال عن الشعب المصرى انه شعب فوضوى ؟

علشان بيكره " النظام . "

الشعب المصرى شعب غلبان وطيب أوى بس المشكلة النظام قلى فيه
والحكومة والريس العسل بجد خاربين البلد ونفسى مصر تبقى
أحسن بلد فى الدنيا كلها
شكرا يا أحمد

ههههههههههههههههههههههه

هى دى مصر يا عبلة

هههههههههههههههههه
الله يعنك يا مصر

عندك حق في كل حرف والله يا احمد ربنا يعينا

» حوار بين حبيبين
» حوار مضحك بين أستاذ وطا لب
» حوار بين زوجين
» حوار مع الحب
» حوار زميلين في الامتحان